Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев мәлім етті.
Ресми сауда арналарын айналып өту салдарынан смартфондардың импортынан Қазақстан 100 млрд теңгеден астам шығынға ұшырады, деп хабарлайды inbusiness.kz сайты.
"Біз бағаға әсер етпейміз. Бұл ретте, ресми дилерлер және дистрибьюторлар "сұр" нарыққа қарсы күресте көмек сұрады. Олардың пікірінше, реформа смартфондар бағасының өсуіне әкелмейді. Өйткені бұл заңды нарықта сауда жасап жүргендердің өздеріне тиімді. Смартфондар ашық түрде импортталғандықтан, олардың кірісі артады", – деді Ж. Мәдиев Астана халықаралық форумында.
Министрліктің талдауына сәйкес, реформа басталғанға дейін мобильді құрылғылардың шамамен 75 пайызы елге бейресми түрде жеткізілген.
"Бұл жағдай ел бюджетіне 100 млрд теңгеден астам қаражаттың түспеуіне ықпал етті. Сондықтан жағдайды түзету қажет деп есептейміз", – деді министр.
