Шерзат Болаттың өліміне байланысты өтіп жатқан сот процесінде жәбірленуші тараптың адвокаты Мейірман Шекеев марқұмның туыстарына төленуі тиіс моральдық және материалдық өтемақы сомасын жариялады, деп хабарлайды Skifnews.kz ақпараттық порталы.
Адвокаттың айтуынша, негізгі өтемақы айыпталушылар Шынасыл Абзал мен Равиль Сакиевтен өндіріліп, марқұмның әкесі Қаржаубай Нұрымов, анасы Гүлбара Бейшембиева және әжесі Жұмабике Қадыроваға теңдей бөлінуі тиіс.
«Қорғауымдағы тараптардың пайдасына моральдық залалды өтеу мақсатында Абзал мен Сакиевтен жалпы 150 миллион теңге талап етіліп отыр. Әрқайсысынан 50 миллион теңгеден үш отбасы мүшесіне тең бөлінеді», — деді адвокат.
Сонымен қатар, қорғаушы соттан басқа алты айыпталушы — Шыңғыс Белқожаев, Дархан Әскентай, Нұрқияс Ілиясов, Азамат және Нұрболат Тоқтаубаевтар, сондай-ақ Дидар Қалиахметтен де Қаржаубай Нұрымовтың пайдасына 20 миллион теңгеден өндіріп беруді сұрады. Бұл – жалпы сомасы 120 миллион теңге.
«Аталған алты тұлғадан Гүлбара Бейшембиева мен Жұмабике Қадырованың пайдасына да дәл сондай мөлшерде — әрқайсысынан 20 миллион теңгеден өтемақы өндірілсін», — деп қосты ол.
