Алматы тұрғындары мен қонақтарының сүйікті орталығына айналған Aport Mаll East-те арт-музей бұрышы ашылды.
Еліміздегі ең үлкен Mаll-ға келушілер отбасылық демалыс, сауда, ойын-сауықтан өзге Алматының тарихымен де таныса алады.
Өткен ғасырдың жетпісінші жылдарындағы Алматы өмірінен сыр шертетін арт-музей бұрышы бірнеше түспен безендірілген. Мысалы, қызыл тақтада қаланың бойтұмарына айналған апорт алмасының тарихы бейнеленген. Ал сары тақтадағы ескі таразы мен есепке арналған шот дүкен сөресін сипаттайды. Жасыл бұрышта қаланың символына айналған сәулет өнері таспаланған.
Оксана Танская, жоба авторы:
- Арт-кеңістіктегі ретро суреттерді көру үшін кубтарды айналдыру керек. Фотоэкспозиция айналмалы кутбардан құрылған және мұндағы 15 кубқа 60 фото таспаланған. Мұнда Алматының атақты апортының және Сиверс алмасының тарихы жазылған.
Мұнда Aport моллдарының құрылысы мен даму кезеңі де баяндалған. Арт-музейдің мақсаты – қонақтарға шаһар тарихын көрсету. Мұнда әр адам өзіне жақын дүниені таба алады. Одан бөлек Aport моллдары келушілер үшін жаңа жылдық сыйлықтар науқаны басталатынан жариялады.
Гузяль Сырлыбаева, Aport Mall PR маманы:
- Жаңа жылға орай біз үлкен шырша ұйымдастырамыз. Бұл шыршада Аяз ата болады және де біздің кішкентай балаларымыздың Аяз атаға жазған хаттарын, тілектерін орындаймыз.
Сондай-ақ жаңа жылға дейін қомақты ұтыс ойындары болады. Нақтырақ айтсақ, Aport Мall East-те екі адамға Дубайға жолдама беріледі. Ал Aport Мall West келушілері арасында Iphone 17 pro ойнатылады. Ол үшін 10 мың теңгеден асатын ақшаға сауда жасап, түбіртекті билетке ауыстыру жеткілікті.
Авторлары: Аршын Кемелжан, Кенже Амраев
