Мәжіліс кулуарында ішкі істер вице-министрі Санжар Әділов Шавкат Рахмоновтың жұбайына қатысты апат ісі жақын арада сотқа жолданатынын мәлімдеді, деп хабарлайды KAZ.NUR.KZ тілшісі.
"Жол-көлік оқиғасына қатысты іс аяқталуға жақын. Осы аптада сот-медициналық сараптаманың қорытындысын аламыз деп күтіп отырмыз, содан кейін күдікті тұлғаның әрекеттеріне баға беріп, прокуратура арқылы сотқа жібереміз", — деді ішкі істер вице-министрі.
Естеріңізге сала кетейік, Шавкат Рахмоновтың әйеліне қатысты жол апаты тамызда Қарағандыдан Алматыға бара жатқан жолда болған. Ол кезде әйел көлік рулінде ал салонда екі құрбысы және ұлы болғаны хабарланған еді.
Жол талғамайтын көлік аударылып, екі құрбысы қаза тапты, Рахмоновтың әйелі мен ұлы ауруханаға жатқызылды.
Мәтіннен қате тапсаңыз, бізге жазыңыз
