Белгілі кәсіпкер "кеншілермен" биіктерді бағындырып, Еурокубоктерге шығатын мақсаты барын тілге тиек етті
Қаражаттың басым бөлігі академия құрылысы мен балалар футболын дамытуға бағытталмақ.
"Біз аңызға айналған клубты қайта жаңғыртамыз. Жұмысын қайта жүйелеп, жаңа жеңістерге жетелеуге тырысамыз. Оның ішінде еурокубоктарда да табысты өнер көрсету басты мақсаттардың бірі болмақ. Қазір қалыптасып жатқан команда мен клуб төңірегіне топтасқан орта қазақстандықтар мақтан тұтатын нәтижеге қол жеткізетініне сенемін.
Біз академияны дамытуға шамамен 16 млрд теңге инвестиция салуды жоспарлап отырмыз, сондай-ақ келесі жылы клубтың операциялық шығындарына шамамен 4 млрд теңге бөлінеді. Ал 2029 жылға дейін облыстық футбол қауымдастығының жобаларын дамытуға 6,5 млрд теңге көлемінде қаржы құюды көздеп отырмыз", — деді Тимур Турлов өз сөзінде.
Айта кетейік, Тимур Турлов Қарағандының "Шахтёр" футбол клубының жаңа иесі.
