Оған қаладағы мектептерден 100-ден астам жас қатысты. «Туризм – нашақорлыққа қарсы» ұранымен ұйымдастырылған шарада жастар командасы велосипедпен кедергілі алаңнан өтіп, арқанды түйіндей байлап, туристке тән тәжірибені меңгере бастағандарын көрсетті, деп хабарлайды Egemen.kz.
Жеті мектептен команда қатысқан финалдық сайыста №15 мектеп-лицейінің қатысушылары кедергілер жолағынан өтуде алдына жан салмаса, №173 орта мектеп командасы қиын бұрылыстардан велосипедтпен өтудің үлгісін көрсетті. Ең үздік капитан №8 орта мектеп командасының құрамынан анықталды.
Жарыс үздіктеріне «Жастардың спорттық туризм және туристік көпсайыс федарациясы», Қызылорда облысының Полиция департаменті Есірткі қылмысына қарсы іс-қимыл басқармасы мен қалалық білім бөлімі өкілдері құрмет көрсетті.
