Шектеулер Солтүстік Қазақстан, Қостанай және Қарағанды облыстарына қарай өтетін бірнеше бағытта енгізілді.
ҚазАвтоЖол 9 желтоқсан күні сағат 20:00-де Ақмола облысы аумағында ауа райының күрт нашарлауына байланысты дизель отынымен жүретін көліктер мен қоғамдық транспорт үшін қозғалыс уақытша тоқтатылғанын хабарлады, деп жазады inbusiness.kz сайты.
Солтүстік Қазақстан облысына бағыттарда:
- "Астана – Көкшетау (айналма жолымен) – Петропавл – РФ шекарасы" трассасының 341–367 шақырымы (Ақмола облысының шекарасы – Келлеровка ауылы);
- "РФ шекарасы – Алматы" бағытының 834–856 шақырымы (Чистополье ауылы – Ақмола облысының шекарасы);
- "Жезқазған – Петропавл" жолының 595–671 шақырымы (Ақмола облысының шекарасы – Тоқсан Би ауылы);
- "Көкшетау – Кішкенекөл – Бидайық – РФ шекарасы" бағытының 50–85 шақырымы (Ақмола шекарасы – Чкалов ауылы);
- "Көкшетау – Рузаевка" трассасының 61–91 шақырымы (Ақмола облысының шекарасы – Саумалкөл).
Қостанай облысына бағыт:
- "Қостанай – Әулиекөл – Сұрған" автожолының 8–232 шақырымы (Тобыл қаласы – Ақмола облысының шекарасы).
Қарағанды облысына бағыт:
- "Астана – Қарағанды – Алматы" трассасының 92–164 шақырымы (Ақмола облысы шекарасы – Теміртау ақы алу пункті);
- "Астана – Қабанбай батыр – Нұра – Теміртау" жолының 51–101 шақырымы (Ақмола облысының шекарасы – Нұра кенті).
Қозғалысты қайта ашу 10 желтоқсан күні сағат 08:00-де жоспарланып отыр.
Қосымша ақпаратты тәулік бойы 1403 байланыс орталығынан білуге болады.
