Бүгін, 9 желтоқсанда Ресейде төтенше жағдай тіркелді, Иваново облысында ұшақ апатқа ұшырады. Бұқаралық ақпарат құралдарының хабарлауынша, ұшақ Ресей Қорғаныс министрлігіне тиесілі болған.
ТАСС агенттігінің хабарлауынша, бортында жеті адам болған Ан-22 ұшағы Иваново облысында апатқа ұшыраған. Ұшақ жөндеу жұмыстарынан кейін жоспарланған сынақ рейсін орындаған.
РЕН ТВ хабарлауынша, апат Фурманов ауданында болған. Алдын ала мәлімет бойынша, ұшақ Ресей қорғаныс министрлігіне тиесілі.
Telegram-дағы Shot арнасы Ан-22 әскери ұшағында жеті экипаж мүшесінің қаза тапқанын хабарлады. Ұшақ Уводское су қоймасының маңында құлаған. Ұшақтың бөліктері суда қалқып жүргені анықталды. Қазір оқиға орнында төтенше жағдайлар қызметі жұмыс істеп жатыр.
Ан-22 әскери-көлік ұшағы — Антонов әуекәсіпорны жасаған әлемдегі ең үлкен турбовинтті ұшақ.
Мәтіннен қате тапсаңыз, бізге жазыңыз
