Астана қаласының Төтенше жағдайлар департаментінің өкілдері елорда тұрғындарына үндеу жасап, алдағы үш күнде қалада қатты аяз болатынын ескертті. Бұл туралы ведомствоның баспасөз қызметіне сілтеме жасаған KAZ.NUR.KZ хабарлайды.
Синоптиктердің болжамына сәйкес, алдағы күндері ауа температурасы -25, -26 градусқа дейін төмендейді. Соған байланысты ТЖД өкілдері тұрғындарға үндеу жасап, жылу беру маусымында өрт қауіпсіздігі шараларын қатаң сақтауға шақырды.
Төтенше жағдайлар депатаментінің қызметкерлері келесідей қауіпсіздік ережелерін сақтау аса маңызды екенін жеткізді:
- Пеш толық сөнбей жатып, мұржа қапағын жаппау керек;
- Пешті жанғыш материалдармен жақпау керек.
- Жылытқыштарды түнге қараусыз күйде қалдырмаған жөн;
- Электр желілерін шамадан тыс жүктемеу керек: қуатты құрылғыларды бөлек розеткаға қосу керек.
Мәтіннен қате тапсаңыз, бізге жазыңыз
