Сот шешіміне сәйкес бүгін Жұмабаев көшесі, 12 мекенжайында орналасқан өзіне-өзі қызмет көрсететін көлік жуу нысаны бұзылды. Бұл турлы Алматының Қала құрылысын бақылау басқармасына сілтеме жасаған KAZ.NUR.KZ хабарлайды.
Ведомствоның мәліметінше, жоспардан тыс тексеру барысында нысанның жеке тұлғаға тиесілі екені және тиісті құжатсыз салынғаны анықталған.
Тексеру нәтижесінде нысан иесіне әкімшілік шара қолданылып, ғимаратты сүру туралы нұсқама берілген.
"Қазіргі уақытта нұсқама талаптарына сәйкес меншік иесі нысанды өз күшімен бұзып жатыр", — делінген хабарламада.
Естеріңізге сала кетейік, бұған дейін Таугүл-3 шағынауданында заңсыз салынған ірі нысан сүріліп жатқанын жазған едік.
Мәтіннен қате тапсаңыз, бізге жазыңыз
