Ақтөбеде «Авиажөндеу зауыты №406 ГА» АҚ-ның бұрынғы директоры 110 млн теңге бюджет қаржысын жымқырды деген күдікпен сотқа жіберілді.
Тергеу дерегінше, ол МИ-2, АН-2 әуе кемелеріне және олардың қозғалтқыштарына арналған бөлшектерді қағаз жүзінде ғана сатып алып, қызметтік өкілеттігін пайдаланып, материалдарды заңсыз есептен шығару схемасын ұйымдастырған. Зауыт құжаттарында бөлшектер қоймадан алынып, техникаға орнатылды деп көрсетілгенімен, іс жүзінде қолданылмаған.
Күдіктіге тиесілі екі пәтер мен жер теліміне тыйым салынды. ҚПК-нің 201-бабына сәйкес қосымша ақпарат жарияланбайды.
