Жеңіліс көрмеген Мейірім Нұрсұлтанов соңғы жекпе-жегін 2023 жылы 17 қараша өткізген болатын.
Қазақстандық боксшы Мейірім Нұрсұлтанов (20–0, 11 КО) орта салмақтағы WBC чемпионы, доминикандық Карлос Адамеспен (24–1–1, 18 КО) міндетті жекпе-жек өткізеді.
Мейірім Нұрсұлтанов WBC рейтингінде бірінші орында тұр. Сол себепті ол осы салмақтағы чемпиондық белбеуге үміткер.
WBC Конвенциясында өткен жыл сайынғы сессияда алдағы жекпе-жектер талқыланып, ресми түрде бекітілді. Бұл туралы The Ring порталы мәлімдеді.
Айта кетейік, WBC бұған дейін сәуір айында Мейірімге Адамеспен жекпе-жек өткізуді талап еткен. Алайда қазақстандық боксшыға екі мәрте америкалық виза беруден бас тартқан болатын.
