Астанада желіде тараған даулы видеодан кейін блогер ұсталып, полицияға жеткізілді, деп хабарлайды елордалық ПД-ға сілтеме жасаған KAZ.NUR.KZ.
Поицияның мәліметінше, интернет-кеңістігінде блогердің ерекше күтімді қажет ететін балалардың ата-аналарына қатысты әдепсіз және қорлайтын сөздер айтқан видеосы тараған.
Бұл дерек бойынша әкімшілік іс қозғалған. Видео авторы ұсталып, полиция бөліміне жеткізілген.
"Ұсақ бұзақылық фактісі бойынша жиналған материалдар шешім қабылдау үшін сотқа жіберіледі.
Астана қаласының полиция департаменті желіде адамның жеке басына қатысты балағат, қорлау сипатындағы сөздер айтып, тарату қолданыстағы заңнамаға сәйкес жауаптылыққа әкеліп соғатынын ескертеді.
Мұндай құқықбұзушылықтар заң аясында қатаң түрде тоқтатылады.
Азаматтарды контент жариялауда жауапкершілік танытуға, басқа да адамдардың құқықтары мен сезімдерін құрметтеуге, сондай-ақ қоғамдық мораль мен этика нормаларын сақтауға шақырамыз", — делінген хабарламада.
Посмотреть эту публикацию в Instagram
Публикация от Астана Қаласының Полиция Департаменті (@police__astana)
Мәтіннен қате тапсаңыз, бізге жазыңыз
