Саяси шолушы Ғазиз Әбішев Каспий құбыр консорциумына жасалған шабуылға қатысты пікір білдірді, — деп хабарлайды Massaget.kz тілшісі.
"Украиналық БАҚ Украинаға жақтас елдер қатарын кемітуді көздеп отыр", – деп атап өтті Әбішев.
Сарапшының айтуынша, украин әскері қазақстандық мұнайды тасымалдаумен айналысатын КҚК-ның терминалдарына әдейі соққы жасағаннан кейін, Қазақстан билігі Киевке ұстамды наразылық нотасын білдірді.
Әбішевтің сөзінше, бұған жауап ретінде украин БАҚ-тары "өр көкірек памфлет" жариялаған. Яғни, олар Қазақстанға өзінің экспорт инфрақұрылымына жасалған соққыларды үнсіз жаба салуды ұсынып отыр. Ал бұл инфрақұрылымға Қазақстан экономикасының дамуы және қарапайым қазақстандықтардың өмірі тікелей байланысты. Сонымен қатар, олар Қазақстанға Ресеймен экономикалық байланыстарды үзуді де ишарамен айтып отыр.
Әбішев Қазақстан Украинадағы соғысты қолдамағанын еске салды. Қазақстан билігі құпия арналар арқылы да, ашық түрде де әрдайым соғыс қимылдарын тоқтатуға және мәселені дипломатиялық жолмен шешуге шақырып келеді. Президент Қасым-Жомарт Тоқаев Зеленскиймен тұрақты түрде байланыста. Ресей, АҚШ, Еуропа, Қытаймен көпжақты диалог форматтарына қатысып, мүмкіндігінше бейбіт келісімге келудің оңтайлы жолын іздеп жатыр.
Сарапшының айтуынша, Астана Украинаның территориялық тұтастығын мойындайды. Қазақстан қақтығысқа қатысып жатқан ешбір тарапқа әскери көмек көрсеткен емес және көрсетпейді. Сондай-ақ, соғысқа өз бастамасымен қатысқан қазақстандық азаматтарды соттайды.
Казақстан бірнеше рет Батыс санкцияларын бұзбайтынын мәлімдеген. Еуропалық және америкалық инспекторлар жүріп жатқан үдерістерді бақылауға мүмкіндігі бар.
"Осының бәрін ескере отырып, картаға қараған кез келген есі дұрыс адам Қазақстан қандай күрделі стратегиялық жағдайда тұрғанын түсінеді. Бұл жағдайды америкалықтар да, еуропалықтар да түсінеді. Олар Астананың ұзақ мерзімді тарихи мемлекеттілікті сақтауға, қарапайым қазақтардың тек өмірін емес, сол өмірдің сапасын да қорғауға бағытталған икемді саясатын жоғары бағалайды", – деп жазды Әбішев Telegram-дағы блогында.
"Нағыз жауапкершілігі бар элита әрқашан бірнеше қадам алға ойлайды, елді соққыдан қорғауға тырысады, халқын сақтайды. Қазақ элитасы дәл осындай – өз ұлттық жобасы алдында тарихи жауапкершілігі жоғары. Бұдан үлгі алуға болады", – деп қорытындылады саяси шолушы.
Каспий құбыр консорциумы Қазақстанның үш ірі кен орнынан – Теңіз, Қашаған, Қарашығанақтан – мұнай тасымалдайды. Қазақстан мұнайының шамамен 80 пайызы дәл осы КҚК арқылы экспортталады.
КҚК акцияларының шамамен 20 пайызы Қазақстанға тиесілі. Қалған үлескерлердің қатарында Ресей, АҚШ және бірқатар еуропалық компания бар.
Instagram парақшамызға жазылып, ең қызықты ақпараттарды бірінші болып оқыңыз!
