Астананың туристік және инвестициялық әлеуеті Оңтүстік Кореяда таныстырылды.
Сеулде Елордамызға арналған роуд-шоу өтті. Оған 70-тен астам оңтүстік кореялық туркомпаниялар мен кәсіпкерлер қатысты.
Роуд-шоу қонақтарын бауырсақ пен қазы-қартамен қарсы алды. Қазақстандық туркомпания өкілдері меймандарға елдорданың көрікті жерлерімен бірге Бурабай мен Зеренді демалыс аймақтары және қызғылт қоқиқаздар мекендейтін Қорғалжын жайлы айтты. Қыста Оңтүстік Кореяда қар аз болғандықтан, сеулдіктерді шаңғы трассалары қызықтырды.
Кан Да Ын, ижаһандық қалалар үшін туризмді ілгерілету ұйымының бас хатшысы:
- Соңғы кездері корейлер арасында жаяу туризм өте танымал болып келеді. Олар белсенді дeмалысқа қатты қызығады. Көшпенділер өмірін сезіну, треккинг және хайкинг сияқты турлар үлкен сұранысқа ие. Бүгінгі Астана өте заманауи, сонымен бірге оның экологиялық тұрғыдан таза екендігін, табиғатқа жақындығын байқадым. Оңтүстік-Шығыс Азия немесе Корея туристеріне жаңа бағыт ретінде қатты ұнауы мүмкін деп ойлаймын.
Кореялық туркомпаниялардың Қазақстанға қызығушылығы жоғары. Себебі Сеул мен Пусаннан Астана, Алматы және Шымкентке 6 сағатта тікелей ұшып баруға болады. Екі ел арасында аптасына 20 рейс болады және бұл көрсеткішті екі есе арттыру жоспарда бар.
Нұрғали Арыстанов, Қазақстан Республикасының Корея Республикасындағы Төтенше және өкілетті Елшісі:
- Осы жылдың басынан шілде айына дейін Қазақстаннан осындай Кореяға келген азаматтардың саны 20%-ға және Кореядан Қазақстанға келген азаматтардың саны 30%-ға артып отыр. Бұл екі елдің арасындағы туристік ағымның одан әрі дамып отырғанын көрсетеді. Өте сондай ұтымды жерде тұрмыз. Оңтүстік Корея азаматтары Қазақстанға келіп, әрі қарай екі-үш күн демалып, Қазақстанда туристік жағдайда көріп, Қазақстаннан әрі қарай ұшып кете алады.
Максат Жанабаев, Астана қаласы инвестициялар және кәсіпкерлікті дамыту басқармасы басшының орынбасары:
- Астана қаласында 20-дан астам туристік нысан бар. Былтырғы жылдың және биылғы жылдың тоғыз айының қорытындысы бойынша Кореядан келетін біздің Астана қаласына туристер көбеюде. Оның көбеюі 13%-ға артып отыр.
Оңтүстік Кореяның 17 компаниясының басшыларына Елордамыздың инвестициялық мүмкіндіктері таныстырылды. Инвесторларға өндіріс ашу үшін жер телімдері, сондай-ақ салықтық және кедендік жеңілдіктер ұсынылды.
Сәбит Мұхамеджанұлы, қалалық инвестицияларды дамыту орталығы басқарма төрағасының орынбасары:
- Қазір таңда 300-ге жуық компания бар екі арнайы экономикалық компанияның қосқан кезде. 300-ге жуық компания бар. Логистикалық парк жобасы қазір жұмыс жүргізіп жатыр. Дата центр үлкен соғу жоспарда бар. Осы логистикалық алаңдардың барлығын инвесторларға тартылуда жұмыс жасап жатырмыз.
Елордаға туристерді тарту үшін жаһандық қалалар туризмін ілгерілету ұйымы мен «Орталық Азия – Корея Республикасы» ынтымақтастық форумы хатшылығы көмек көрсететін болды. Осы мекемелер мен Астана туризмді дамыту орталығы арасында меморандумға қол қойылды.
Владислав Цой, Ольга Лян
