Алматы қаласының әкімдігі қалада Береговой көшесі мен Ю. Ким көшесінің қиылысында көлік қозғалысы уақытша шектелетінін мәлімдеді, деп хабарлайды KAZ.NUR.KZ.
Әкімдік мәліметінше, 2025 жылы 27 қараша сағат 09:00-ден 28 қараша сағат 18:00-ге дейін Береговой және Ю. Ким көшелерінің қиылысында солтүстік бағыттағы көлік қозғалысы ішінара шектеледі. Оңтүстік бағыттағы қозғалыс ашық болады.
"Уақытша шектеу жол төсемінің астында орналасқан жабын плитасын ауыстыру жұмыстарының қауіпсіздігін қамтамасыз ету үшін енгізіліп отыр. Жоспарлы тексеріс кезінде аталған плитаның зақымданғаны анықталған. Келтірілген қолайсыздық үшін кешірім сұрап, түсіністік танытуды өтінеміз", — делінген әкімдік хабарламасында.
Мәтіннен қате тапсаңыз, бізге жазыңыз
