Ақтөбеде жүк көлігінен 10 шетелдік табылды.
Ақтөбе облысында шекара арқылы заңсыз өту әрекеті тоқтатылды. Бұл туралы Ұлттық қауіпсіздік комитетінің баспасөз қызметі хабарлады.
23 қараша күні "Жайсаң" автокөлік өткізу пунктінде жүргізілген жоспарлы тексеру кезінде жүк көлігінің ішінен құрылыс материалдарының арасына жасырылған 10 шетелдік азамат анықталды.
Ведомство мәліметінше, олар Қазақстан аумағына заңсыз кіруге әрекет жасаған.
"Аталған дерек бойынша Қылмыстық кодекстің 24-бабы ("Қылмыс жасауға дайындалу және қылмысқа оқталу") және 394-бабы ("Қазақстан Республикасының Мемлекеттік шекарасын қасақана заңсыз кесіп өту") бойынша сотқа дейінгі тергеу басталды. ҰҚК Шекара қызметі мұндай әрекеттердің қылмыстық жауапкершілікке әкелетінін ескертіп, азаматтарды заңсыз көші-қон схемаларына қатыспауға шақырды", – делінген хабарламада.
Оқи отырыңыз: Қазақстанда 14,6 мың шетел азаматы жұмыс істейді. Олардың басым бөлігі қайдан келеді
