2026 жылғы 1 қаңтардан бастап елімізде бензин мен жанар-жағармай бағасы өсуі мүмкін бе? Журналистердің сұрағына энергетика министрі Ерлан Ақкенженов жауап берді, деп хабарлайды KAZ.NUR.KZ.
"Егер жанар-жағармай туралы айтатын болсақ, ең алдымен әлеуметтік маңызы бар – АИ-92 маркалы бензині мен дизель отынын атап өткен жөн шығар. Олардың бағасын бұрыннан мемлекет реттейді. АИ-95, АИ-98 маркалы безиндердің бағасы реттелмейді, сондықтан олардың бағасы өсуі мүмкін.
Бізде АИ-92 бензині мен дизель отынына 2026 жылғы наурыздың соңына дейін мораторий жарияланған. Үкімет шешім қабылдаған яғни, сол уақытқа дейін сұйытылған мұнай газын қоса алғанда баға өзгермейді", — деді Ақордада журналистердің сауалына жауап берген Ақкенженов.
Министр заң бойынша мемлекеттің жылына екі рет ғана бағаны реттеу мүмкіндігі бар екенін және наурыздың соңына дейін мораторий жарияланғанын тағы да еске салды.
Мәтіннен қате тапсаңыз, бізге жазыңыз
