Сауд Арабиясының Эр-Рияд қаласында өтіп жатқан Ислам ынтымақтастығы ойындарында джиу-джитсудан Қазақстан ұлттық құрамасының өкілі Жігер Алматай алтын медаль жеңіп алды, деп хабарлайды KAZ.NUR.KZ ҰОК баспасөз қызметіне сілтеме жасап.
Қазақстандық спортшы 77 келі салмақта топ жарды. Финалдық белдесуде Жігер Алматай Біріккен Араб Әмірліктерінің өкілі Махди Алавлакиді жеңді.
Сондай-ақ бүгін, 21 қарашада джиу-джитсудан Қазақстан құрамасының тағы бір өкілі Жібек Құлымбетова күміс жүлдеге ие болды. Финалда ол Асма Альхосанимен (БАӘ) кездесті. Шешуші кездесуде оның қарсыласы жеңіске жетті. Жібек 52 келі салмақта жарысты екінші орынмен аяқтады.
62 келі салмақ дәрежесінде Мансұр Хабибулла қола жүлдегер атанды. Үшінші орын үшін өткен белдесуде Хабибулла алжирлік Бесо Абделмалекке қарсы шықты. Қазақстан өкілі жеңіске жетіп, қола медальге қол жеткізді.
Мәтіннен қате тапсаңыз, бізге жазыңыз
