Бұл ескі видео екені белгілі болды.
Әлеуметтік желіде Семейдегі Шоқан Уәлиханов атындағы "Жас ұлан" мектеп-лицей-интернатында түсірілген бейнежазба таралды. Кадрлардан жоғары сынып оқушысының басқа оқушыны қылқындырып жатқаны көрсетілген, деп хабарлайды inbusiness.kz сайты.
Абай облысының білім басқармасының баспасөз қызметі бейнежазбаның астына осы жағдайға қатысты түсінік берді.
"Әлеуметтік желілерде оқушылардың бірі сыныптасына қатысты орынсыз әрекет көрсеткен ескі видео таралып жатыр. Аталған жазбаның 2023 жылы түсірілгені анықталды. Бұл жағдай сол уақытта мектеп педагогтары тарапынан дереу қаралып, қажетті түсіндіру жұмыстары жүргізілген. Екі оқушы да 2025 жылы оқуын аяқтады", – делінген хабарламада.
Ведомствоның мәліметінше, лицей әкімшілігі тәрбиеленушілердің өзара қарым-қатынасына үнемі бақылау жүргізілетінін және кез-келген тәртіпке сай емес әрекеттердің бірден тоқтатылатынын атап өтеді.
Айта кету керек, бұған дейін Қорғаныс министрі әскерде әлімжеттік жоқ екенін айтқанын жазғанбыз.
