16-20 қараша аралығында Үндістан астанасы Делиде бокстан әлем кубогы өтті.
Сұлтанбек Айбарұлы бокстан әлем кубогының чемпионы атанды. 85 келі салмақ дәрежесінде сынға түскен қазақстандық былғары қолғап шебері Үндістанда өткен Әлем кубогының финалында өзбек спортшысы Жасурбек Юлдошевті 4:1 есебімен ұтып, алтын жүлдеге қол жеткізді.
Финалға дейін жеткен тағы бір отандасымыз Нұрбек Мұрсал 70 келі салмақ дәрежесінде Әлем кубогының күміс жүлдегері атанды. Үндістанда өткен турнирдің финалында қазақстандық боксшы жергілікті спортшы Хитеш Хитешпен кездесіп, нәтижесінде 2:3 есебімен қарсыласына есе жіберді.
Үндістанда өткен Әлем кубогында Қазақстан құрамасының тағы бес боксшысы қола медаль еншіледі. 80 келіде Санжарәлі Бегалиев, +90 келіде Даниял Сапарбай, 51 келіде Жансая Рахымберді, 57 келіде Ұлжан Сәрсенбек, 80 келіде Диана Мағауияева және +80 келіде Әсел Тоқтасын үшінші орыннан көрінді.
Бұл нәтижелер Қазақстан боксшыларының халықаралық деңгейдегі жоғары дайындығын, табандылығын және команданың жалпы әлеуетінің мықты екенін айқын көрсетеді.
