Қонаев қаласы әкімінің өкімімен Марат Файзұллаұлы Тұрсын қала әкімінің орынбасары болып тағайындалды, деп хабарлайды қала әкімдігіне сілтеме жасаған KAZ.NUR.KZ.
Марат Тұрсын 1974 жылы Оңтүстік Қазақстан облысы Шымкент қаласында дүниеге келген. 1997 жылы Қожа Ахмет Ясауи атындағы Халықаралық қазақ-түрік университетін "құқықтану" мамандығы бойынша тәмамдаған.
Еңбек жолын 1993 жылы "Маратжан" шаруа қожалығында басшының орынбасары ретінде бастаған.
Әр жылдары Түркістан қалалық сотында, Оңтүстік Қазақстан облысы Әділет департаментінде, облыстық прокуратурада, ішкі істер органдарында, Алматы облыстық қаржы полициясында және Мемлекеттік кірістер департаментінде жұмыс істеген.
2024 жылғы тамыздан бастап Қонаев қаласы әкімінің аппараты басшысы лауазымын атқарған.
Мәтіннен қате тапсаңыз, бізге жазыңыз
