Ұлдана Мырзуан бүгін қайтыс болды.
Мемлекет басшысының Жарлығымен Астана қалалық жедел медициналық жәрдем станциясының фельдшері Ұлдана Мырзуан (марқұм) "Ерлігі үшін" медалімен марапатталды, деп хабарлады Ақорданың баспасөз қызметі.
"Қызметтік борышын үлгілі атқарғаны, қиын-қыстау жағдайда көрсеткен ерлігі мен жанқиярлығы үшін Астана қаласы әкімдігінің Қалалық жедел медициналық жәрдем станциясы жолдамалы бригадасының фельдшері Ұлдана Қалдарханқызы Мырзуан (марқұм) "Ерлігі үшін" медалімен наградталсын", – делінген президент жарлығында.
Еске салайық, 8 желтоқсанда Тәуелсіздік даңғылы бойындағы көпқабатты үйдің сыртқы кірпіш қаптамасы құлап түсті. Оқиға кезінде бес адам, оның ішінде көмекке келген екі фельдшер жарақат алды. Олардың бірі Ұлдана Мырзуан жабық ми жарақатын алып, дәрігерлердің оның өмірі үшін күрескеніне қарамастан, бүгін көз жұмды.
Оқи отырыңыз:
"Приняла лучшее решение". В Минздраве оценили поступок фельдшера, пострадавшей при спасении людей в Астане
