"Қайрат" футбол клубы Чемпиондар лигасы аясында өз алаңында өтетін матчтардың Астанада болатынын мәлімдеді, деп хабарлайды KAZ.NUR.KZ.
"Қайрат" ФК УЕФА-мен бірлесе отырып, УЕФА Чемпиондар лигасының жалпы кезеңінде "Олимпиакос" (9 желтоқсан), "Брюгге" (20 қаңтар) командаларына қарсы өз алаңындағы матчтарын "Астана Арена" стадионында өткіземіз деп шешті.
Алматыдағы Орталық стадионда матчты қыста өткізу тәжірибесі көрсеткендей, төмен температура, шатырдың жоқтығы, қар жауу қаупі жанкүйерлер үшін қолайсыздық туғызып, алаң қызметін қиындатады. Көрермендерге жайлы әрі қауіпсіз жағдай жасау үшін матч жабық стадионда өтеді", — делінген хабарламада.
Клубтың мәліметінше, билет бағасы 15 000 – 50 000 теңге аралығында болады.
Билеттер 28 қарашадан бастап Qairat SuperApp және Freedom SuperApp мобильді қосымшаларында сатыла бастайды. Бір адамға екі билеттен артық рәсімдеуге болмайды.
Ticketon мамандары «Қайрат» ФК-ның өз алаңындағы матчтарына алған абонемент иелеріне жалпы сатылым басталғанға дейін хабарласып, билет рәсімдеу, басымдық арқылы сатып алу тәртібі туралы толық ақпарат береді.
Мәтіннен қате тапсаңыз, бізге жазыңыз
