Биыл 13 202 этникалық қазақ тарихи отанымен табысып, қандас мәртебесін алды, деп хабарлайды Еңбек және халықты әлеуметтік қорғау министрлігіне сілтеме жасаған KAZ.NUR.KZ.

Ведомствоның мәліметінше, жалпы 1991 жылдан бері республикаға 1 млн 161,2 мың этникалық қазақ оралған.

Жыл басынан Қазақстанға мына елдерден қандастар келген: ы –

  • Өзбекстаннан – 45,6 пайыз;
  • Қытайдан – 42,3 пайыз;
  • Түрікменстаннан – 4,1 пайыз;
  • Моңғолиядан – 2,9 пайыз;
  • Ресейден – 2,6 пайыз;
  • Басқа елдерден – 2,5 пайыз.

Осы жылғы 1 қарашадағы жағдай бойынша еңбекке қабілетті жастағы этникалық қоныс аударушылар саны 57,6 пайыз, еңбекке қабілетті жастан кіші 33,9 пайыз және зейнеткерлер 8,5 пайыз болған.

Еңбекке қабілетті жастағы қандастардың ішінен білім деңгейі бойынша 15,2 пайызы жоғары білімді, 28,2 пайызы орта кәсіби білімді, 50,5 пайызы жалпы орта білімді және 6,1 пайызы білімі жоқ.

Қоныс аударған этникалық қазақтар республиканың түрлі өңірлеріне қоныстанған.

Сонымен қатар қандастарды қоныстандыру үшін келесідей еңбек күші тапшы өңірлер анықталды:

  • Ақмола;
  • Абай;
  • Қостанай;
  • Павлодар;
  • Атырау;
  • Батыс Шығыс және Солтүстік Қазақстан облыстары.

Жоғарыда аталған өңірлерде қоныстанған қандастарға көшуге субсидия түрінде мемлекеттік қолдау шаралары ұсынылады – бір мезгілде отағасына және отбасының әрбір мүшесіне 70 АЕК (275,2 мың теңге) мөлшерінде; тұрғын үй жалдауға және коммуналдық қызметтерге ақы төлеуге – бір жыл ішінде 15-тен 30 АЕК (59-дан 118 мың теңгеге дейін) мөлшерінде.

Жыл басынан бері 1010 қандасқа түрлі қолдау шаралары көрсетілген. Атап айтқанда, 313 адам тұрақты жұмысқа орналастырылған.

Мәтіннен қате тапсаңыз, бізге жазыңыз