Қылмыстық іс қозғалды .
Батыс Қазақстан облысында жантүршігерлік жол апатынан 8 адам қаза тапты, деп хабарлайды inbusiness.kz сайты.
Оқиға 17 қараша күні "Чапай – Жаңақала – Сайқын" облыстық маңызы бар автожолының 50-шы шақырымында болған. Toyota Camry және Volkswagen Sharan автокөліктері бетпе-бет соқтығысып, салдарынан көліктің бірі өртеніп кетті.
"Салдарынан 8 адам оқиға орнында қаза тапты, тағы 4 адам ауруханаға жеткізілді. Бұл дерек бойынша қылмыстық іс қозғалды", – деп хабарлады облыстық полиция департаментінің баспасөз қызметі.
Алдын ала нұсқаға сәйкес, жүргізушінің бірі қарсы бетке шығып кеткен болуы мүмкін. Оқиға орнында полиция қызметкерлері, жедел тергеу тобы мен ТЖД бөлімшелері жұмыс істеп жатыр. Полиция жол-көлік оқиғасының мән-жайы жіті зерттелетінін хабарлады.
