Қызық Times бағдарламасында қонақта "Алло" фильмінің басты актёрлері – Ақболат Өтебай, Ғазиз Ерболат пен Сабира Жарасқызы болды, деп хабарлайды KAZ.NUR.KZ.
Бағдарлама басында Сабираға жүргізушілер Марат Оралғазин мен Еркебұлан Мырзабек гүл шоқтарын сыйлап, студияны ерекше көңіл күйге бөледі.
"Алло" фильмі — Назар Аудар продакшнның үшінші киносы, 13 қарашадан бастап еліміздің барлық кинотеатрынан тамашалай аласыздар.
Бұл жолғы фильм қазіргі жастарға арналған, драмаға толы, алдыңғы киноларынан стилі бөлек картина.
"Өте керемет шыққан берері бар фильм. Көп адамның қате ой түйіндерін дұрыстап жіберетін, көп адамда өмірге деген реніші жоғалатын фильм деп ойлаймын... Ғазиз мырза көбіне әзіл жағында болғандықтан, драмада алғаш ойнауы, драманы өте әдемі алып шыққан дер едім... Кәдімгідей жылады", — деді Сабира Жарасқызы фильм жайлы.
Ғазиз Ерболат алғаш рет жылайтын сахнада ойнағанынан бөлек, образға кіру үшін талай жылда алғаш рет сақалын қырып, 8 келі салмақ тастағанын да айтты.
"90 сахна болса, соның 89-да түстім. Қалай ойнап шыққаным, есімде жоқ, уайым болды... Қиын болды. Жыладым, өмірімде ондай драмалық, жылайтын сахнада ойнап көрмеппін. Бірінші рет ойнадым. Екі минут жыладым... Өзім таң болдым", — дейді Ғазиз.
Бағдарламада әдеттегідей "Краш Тест" айдары өтті.
Студияда өмірден де, кино жетек оқиғалар да айтылып, Назар Аудар тобының жайдарманға алып келген жаңа стилі де сөз болды.
Соңғы уақытта трендте жүрген "рофл", "пикми", "скуф", "кринж", "ред флаг" сияқты сөздерге де тоқталып, актёрлер өз пікірлерін білдірді.
Бағдарлама барысында "Фонограмма" айдары өтті, қонақтар қойылған әнге барынша әншіге ұқсап, солардың қимылдарын қайталауы керек болды.
Сонымен қатар Ғазиз студияда отырып, анасына қоңырау шалып, көрермендерге жылы сәт сыйлады. Бағдарлама соңында шағын пранк та жасалды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/career/2309946-kadimgidei-zhylady-sabirkin-allo-filminde-birge-rol-somdagan-ariptesi-zhaily-agynan-zharyldy/
