Дипломаттар Панфилов батырларының мемориалына және Нелидово ауылындағы бауырластар қабіріне гүл шоқтарын қойды
Бұл туралы Caravan.kz медиа порталы Sputnik.kz-ке сілтеме жасап хабарлайды.
Волоколамскіде аты аңызға айналған Панфилов дивизиясы жауынгерлерінің ұмытылмас ерлігін еске алуға арналған іс-шара өтті, оған қазақстандық дипломаттар да қатысты, деп хабарлайды Қазақстанның Ресейдегі елшілігі.
Қазақстан дипломаттары Волоколамскіде панфиловшы-батырлардың ерлігін еске алды
© Photo : Посольство Казахстана в России
1941 жылы 16 қарашада Волоколамск түбіндегі Дубосеково өткелінде Мәскеуге бет алған неміс танкілері панфиловшылардың шебінен өте алмаған.
Қазақстан дипломаттары Волоколамскіде панфиловшы-батырлардың ерлігін еске алды
© Photo : Посольство Казахстана в России
Қазақстан елшілігінің кеңесші-уәкілі Ерлан Шамишев атап өткендей, осы қиян-кескі шайқас болашақ Жеңіске бетбұрыс бастады.
«Жауынгерлердің ерлігі қазақстандықтардың мәңгі жүрегінде, бұл естелік – біздің халықтар арасындағы жанды көпір. Қарапайым жауынгерлер бір жұдырықтай жұмылып, өз өмірін қия отырып, жауды Мәскеуге жібермеді, вермахт әскеріне тойтарыс берді. Панфиловшылардың ерлігі мемлекеттеріміздің тарихына алтын әріптермен жазылған», — деп атап өте отырып, дипломат Волоколамск басшылығына панфиловшылар ерлігі туралы естелік үшін ризашылығын білдірді.
Ал Волоколамск муниципалды округі басшысының Бірінші орынбасары Сергей Шорников осы жерде Мәскеу үшін ең ірі шайқастардың бірі болғанын еске салды.
«Фашистер Волоколамск бекінісін басып алуға үлкен мән берді. Өйткені бұл Мәскеуге тікелей жол ашты, ал астананы жоғалту саяси тұрғыдан бүкіл елді жоғалтуды білдірді. Панфиловшылардың ерлігі Волоколамск тұрғындарының мәңгі есінде. Олардың ерлігі – барлығымыз үшін және болашақ ұрпақ үшін рух пен жанқиярлық үлгісі», — деп атап өтті Сергей Шорников.
Іс-шаралар барысында дипломаттар Дубосеководағы Панфилов батырларының мемориалына және Нелидово ауылындағы бауырластар қабіріне гүл шоқтарын қойды.
316-шы атқыштар дивизиясы 1941 жылдың шілде-тамыз айларында Қазақ КСР және Қырғыз КСР азаматтарынан жасақталған. Күзде олар Мәскеу түбінде ауыр шайқастар жүргізген. Астананы қорғаудағы ерлігі үшін Қызыл Ту орденімен марапатталып, 8-ші гвардиялық атқыштар дивизиясы болып қайта құрылған, дивизияға қаза тапқан қолбасшы, генерал-майор Иван Панфиловтың есімі берілген.
