Елордалық полицейлер қаланың Сарыарқа ауданында жоғалып кеткен бес жасар баланы іздеп тапты. Бұл туралы Ішкі істер министрлігінің баспасөз қызметіне сілтеме жасаған KAZ.NUR.KZ хабарлайды.
Полиция ақпаратына сәйкес, әкесі баласымен аулада серуендеп жүріп, бір сәтке назарын басқа жаққа бұрған кезде ұлын жоғалтып алған. Ер адам баланы өзі таба алмаған соң, дереу полицияға жүгінген.
Оқиға орнына жеткен полицейлер іздестіру жұмыстарын бастады.
"Ювеналдық полиция, учаскелік инспекторлар, патрульдік жасақтар мен жедел уәкілдер аумақты тексеріп, бақылау камераларын қарап шықты. Камера жазбаларынан баланың алдымен аулада жүргені, кейін подъездердің біріне кіргені анықталды. Осылайша бала аман-есен табылып, әкесіне тапсырылды", — делінген ресми хабарламада.
Мәтіннен қате тапсаңыз, бізге жазыңыз
