"Астана – Жезқазған" бағытында жүретін "Тальго" пойызы енді Қызылордаға дейін қатынайды. Бұл туралы "Жолаушылар тасымалы" АҚ баспасөз қызметіне сілтеме жасаған KAZ.NUR.KZ хабарлайды.
"2025 жылғы 14 желтоқсаннан бастап "Жолаушылар тасымалы" АҚ "Тальго" №65/66 "Астана – Жезқазған" пойызының бағытын Қызылордаға дейін ұзартады.
Жаңа бағыт елдің орталық және оңтүстік өңірлерін тікелей байланыстырады. "Астана – Қызылорда" пойызы күнара қатынайды. Бұл бағытта бір сапарда 400-ден астам жолаушы тасымалданады", — делінген хабарламада.
Бағытта жайлы "Тальго" вагондары қолданылады. Мүмкіндігі шектеулі жандар үшін 50 пайыз жеңілдікпен арнайы бейімделген орындар қарастырылған.
Бағыттың ұзаруы жол жүру уақытын стандартты пойыздардан 7 сағатқа қысқартуға мүмкіндік береді.
Айта кетелік, бұған дейін 14 желтоқсаннан бастап "Тальго пойызы" "Алматы – Ташкент" бағыты бойынша күнде қатынайтынын жазған едік.
Мәтіннен қате тапсаңыз, бізге жазыңыз
