Қазір апат себептерін Грузия , Әзербайжан және Түркия бірлесіп зерттеп жатыр.
11 қарашада Грузия мен Әзербайжан шекарасында апатқа ұшыраған әскери ұшақта болған 20 адамның 19-ының денесі табылса, жиырмасыншы адамның денесі іздестіріліп жатыр. Сондай-ақ, ұшақтың "қара жәшігі" де табылған. Бұл туралы Түркияның президенті Режеп Тайып Ердоған хабарлады, деп жазды Анадолы ақпарат агенттігі.
"Біз 19 марқұмның денесін таптық, соңғысын іздестіру әлі жалғасып жатыр", – деді Түркия басшысы.
Режеп Тайып Ердоған апат болған аймақтағы жұмыстардың барысы нақты уақыт режимінде бақыланып отырғанын және оқиғаның барлық мән-жайын анықтау мақсатында жан-жақты тергеу жүргізілетінін атап өтті.
Оның айтуынша, Түркияның Ұлттық қорғаныс министрлігі мен Президент әкімшілігі жанындағы Байланыс басқармасы қоғамды үнемі хабардар етіп отырады. Сондай-ақ, ол адамдарды апатқа қатысты жалған ақпараттардан сақ болуға шақырды.
Оқи отырыңыз:
Грузияда Түркияның әскери ұшағы апатқа ұшырады: Түркия 20 адамның бәрі қайтыс болғанын растады
