Ел аумағында алдағы күндері қатты жауын-шашын және 20 градусқа дейін аяз күтіледі, деп хабарлайды "Қазгидромет" РМК-ға сілтеме жасаған KAZ.NUR.KZ.
Метеорологтардың мәліметінше, алдағы күндері Қазақстанның басым бөлігі Атлант циклоны ойпатымен байланысты атмосфералық фронтальды бөліктердің ықпалында болады. Сол себепті ел аумағында жауын-шашын (жаңбыр, қар) күтіледі.
13 қарашада шығыс және оңтүстік-шығыс өңірлерде қатты жауын-шашын (жаңбыр, қар) түседі.
Сондай-ақ республика бойынша тұман, көктайғақ, желдің күшеюі және шығыс, солтүстік, орталық аймақтарда бұрқасын күтіледі. Тек еліміздің оңтүстігі мен оңтүстік-батысында жауын-шашынсыз ауа райы сақталады.
Бұдан бөлек, кей өңірлерде ауа температурасының төмендеуі күтіледі:
- Солтүстікте түнде -5…-12°С, күндіз -0…-6°С;
- Солтүстік-батыста түнде -2…-10°С, күндіз -0…-5°С;
- Орталықта түнде -3…-13°С, күндіз -6…+3°С;
- Шығыста түнде -8…-20°С, күндіз -0…-10°С;
Қазақстанның қалған аумақтарында температурада айтарлықтай өзгерістер күтілмейді.
Мәтіннен қате тапсаңыз, бізге жазыңыз
