Бұл жағдай The Guardian басылымына берген сұхбаты кезінде Киевтегі Мариин сарайында орын алды.
Сұхбат барысында өшкен жарық генератор арқылы қайта қосылған, деп жазады inbusiness.kz сайты.
Электр қуаты Владимир Зеленский мен журналист Люк Хардингпен әңгімесі басталғаннан кейін бірнеше минут өткен соң өшкен. Біршама уақыттан кейін жарық резервтік генератордың арқасында қайта қосылған. Сұхбат барысында жарық екі мәрте өшті.
Зеленский бұл жағдайды Киев қаласындағы өмір сүрудің бір бөлігі ретінде сипаттады.
"Бұл – өмір. Бұл қалыпты жағдай. Бізде, Киевте де, барлық жерде электр қуатының уақытша үзілуі жиі болады", – деді Зеленский.
