Саябақта граниттен , металдан және ағаштан жасалған ерекше стелла орнатылды.
Алматыдағы бұрынғы президент резиденциясының орнында жаңа саябақ салу жұмыстары аяқталды.
Назарбаев даңғылы мен Ганди көшесінің қиылысында орналасқан саябақ аумағына түрлі сәндік және ірі ағаш түрлері – тал, жөке, алма ағаштары мен бірнеше сортты арша отырғызылды. Бұл өсімдіктер саябақтың жалпы ландшафтық бейнесіне үйлесімді түрде енді. Соның нәтижесінде кеңістік табиғи көлеңкелі әрі салқын ортаға айналып, жаз айларында тұрғындарға жайлы демалыс сыйлайтын орын болды.
Саябақта сондай-ақ ерекше стела орнатылды. Бұл – граниттен, металдан және ағаштан жасалған сәулеттік элемент. Бұл нысан жаңа қалалық серуендеу бағыттарының айрықша белгісіне айналды. Алматылықтар мен қала қонақтары осы стеламен суретке түсіп, оны жаңа тартымды нүктеге айналдыруда.
Айта кетейік, саябақты абаттандыру жұмыстарына Orbis Group компаниясы қолдау көрсетіп, аумақты көгалдандыру және тұрғындар мен қала қонақтары үшін жайлы демалыс аймағын қалыптастыру мақсатында 200 миллион теңге бөлді.
"Біз бұл экологиялық бастаманы қуана қолдадық, өйткені Алматы қаласы барған сайын жасылданып, ауасы таза болғанын қалаймыз. Orbis Group компаниясының ағаш отырғызу мен осы аумақты абаттандыруға қосқан үлесі ерекше мәнге ие: қалада жасыл аймақтар неғұрлым көп болса, тұрғындардың өмір сапасы соғұрлым жоғары болады", – деді компанияның негізін қалаған Фаррух Махмудов
Жаңа сквер серуендеуге, спортпен шұғылдануға және таза ауада демалуға әрі кездесулер өткізуге арналған заманауи қоғамдық кеңістікке айналды.
Оқи отырыңыз:
Сквер на месте резиденции президента открыли в Алматы
Сквер на месте резиденции президента скоро откроют в Алматы. Как он выглядит – фоторепортаж Informburo.kz
