Ресейде табиғи газдың бір ғасырлық қоры бар.
Ал мұнай өндіру ісі қазіргі қарқыннан таймаса, қара алтынның қоры алдағы 65 жылға жетеді.
Биыл алғашқы жартыжылдықта Ресей тәулігіне 4,3 млн баррель шикі мұнай мен конденсат экспорттады.
Иә, стратегиялық шикізат саналатын мұнай мен газ бүгінде Ресейдің негізгі экономикалық артықшылығы. Дегенмен, көрші ел өзге де ресурстарға бай. Орман-тоғай, өзен-көлі де көсіліп жатыр.
Ресей әлемде табиғи газ қоры бойынша алда тұр. Жаһандағы көгілдір отынның бестен бір бөлігі осы елдің еншісінде. Роснедр мәліметтеріне сүйенсек, былтыр Ресейде газ өндірісінің көлемі 685 миллиард текше метрге жеткен. Ал мұнай өндірісі — 516 миллион тонна. Қытай, Үндістан, Еуропа мен Түркия — басты импорттаушы елдер. Ресейде геологиялық барлау жұмыстары өндірістен көш ілгері. Тек 2024 жылы 39 жаңа көмірсутек шикізатының кен орны ашылды. Бұдан өзге де пайдалы қазбалар, мәселен, көмір, уран қоры бойынша Ресей алғашқы ондықта. Бұл ядролық энергетиканың тұрақты жұмысын қамтамасыз етуге сеп.
ЦИТАТА: Ресейдің энергетикалық стратегиясы жариялаған мәлімет
Төмен көміртекті энергетиканың дамуына байланысты литий, никель, кобальт, марганец, графит, сирек жер металдары, алюминий және мыс сияқты түрлі минералды шикізат түрлеріне сұраныс қарқынды өсіп келеді. Бұл Ресей Федерациясының энергетикалық шикізатқа арналған минералдық-шикізат базасын тиімді игеру үшін жаңа мүмкіндіктер береді.
Сондай-ақ Ресей әлемдегі ірі астық экспорттаушы ел. Биыл қазан айында 30 мемлекет Ресейден астық сатып алды. Қазір елде жиын-терім аяқталуға жақын. 135 млн тонна астық жиналды. Бұл өткен жылмен салыстырғанда 9 млн тоннаға көп. Оның 93,5 млн тоннасы бидай, арпа көлемі 20,5 млн тонна. Бұл көрсеткіштер ішкі қажеттілікті толық өтеумен қатар, 50 млн тонна астықты сыртқы нарыққа шығаруға мүмкіндік береді.
ЦИТАТА: Анатолий Тихонов, Ресей халық шаруашылығы академиясы халықаралық агробизнес және азық-түлік қауіпсіздігі орталығының директоры
Астық түсімінің мол болуы біріншіден, көпшілік ойлағандай нан бағасына ғана әсер етпейді. Еттің де бағасын ұстап тұрады. Жылына орта есеппен 22 — 24 млн тонна астық ұн, жарма ретінде азық-түлік мақсатында қолданылады. Ал кем дегенде 38-40 млн тонна астық мал азығы ретінде пайдаланылады.
Еуразияның үштен бір бөлігін алып жатқан Ресейдің тағы бір табиғи байлығы – орман. Ел аумағының жартысына жуығын орман алқаптары алып жатыр. Бұл шамамен 1 млрд га жер. Басым бөлігі Сібір, Қиыр Шығыс пен Солтүстік аймақта. Ағаш қоры көптеген шикізат көзі ретінде ел экономикасында, құрылыс саласында маңызды рөл атқарады. Бұдан бөлек Ресейде шамамен 2 млн астам үлкенді-кішілі көл бар. Ал өзендердің жалпы ұзындығы 10 млн шақырымнан асады. Осылайша Ресей жаңартылатын су ресурстары көлемі жағынан Бразилиядан кейінгі екінші орында тұр. Бір ғана Байқал көлі әлемдегі қатпаған тұщы судың 20%-ын қамтиды.
Мөлдір Жақан
Ресейде астық жинау науқаны аяқталуға жақын
2024 жыл 2025 жыл
128 млн тонна 135 млн тонна
– 93,5 млн тонна бидай
– 20,5 млн тонна арпа
50 млн тонна астық экспортқа шығарылады
