Сомнолог, кардиолог Ксения Семченко қарттарға ұйқыны қалай жақсартуға болатынын айтты, — деп хабарлайды Massaget.kz тілшісі Life.ru-ға сілтеме жасап.
Семченконың айтуынша, жасы ұлғайған сайын көп адам ұйықтауға қиналады: ерте тұрып алады және түнде бірнеше рет оянады. Дәрігер мұның бәрі деменция, артық салмақ, 2-типті диабет, жүрек-қантамыр аурулары, депрессия және әлеуметтік оқшаулану қаупін арттырады. Бұдан бөлек, түнгі ұйқының сапасыздығынан адам күндіз ұйқышыл пен шаршаңқы жүреді.
Бұл мәселелердің алдын алу үшін Семченко күн сайын бір уақытта ұйықтап, бір уақытта оянуды ұсынды. Сондай-ақ, жатын бөлме тыныш, қараңғы және салқын болуы маңызды екенін дәрігер атап өтті.
Ұйқы сапасын жақсартудың басқа жолдары ретінде ол күндіз физикалық белсенділікті, күннің екінші жартысында кофеин мен алкогольді шектеуді атады. Семченко ұйқы алдында тойып тамақтанудан бас тартуға шақырды.
Бұдан бөлек, дәрігер электрон құрылғыларды қолдануды барынша азайтып, ұйқыны бұзуы мүмкін созылмалы аурулардың ағымын бақылауда ұстау қажет екенін еске салды: буын аурулары, жүрек патологиясы, тыныс алу және несеп-жыныс жүйесі аурулары.
Өзекті жаңалықтарды өз уақытында оқу үшін Facebook парақшамызға жазылыңыз!
