Темір торға тоғытылған Францияның бұрынғы президенті Николя Саркози түрме тамағынан бас тартып, йогуртқа көшті, деп хабарлайды РБК саясаткердің туыстарына сілтеме жасап.
Бұрынғы мемлекет басшысы қазір жазасын Париждегі Ла Санте түрмесінде өтеп жатыр. Le Point басылымының хабарлауынша, Саркозидің туыстары жанындағы сотталғандардың қастандық жасауынан қауіптенетінін және біреу оның тамағын бүлдіріп алуы мүмкін деп қорқатынын айтқан.
Қамауға алынған 21 қазаннан бері саясаткер тек йогурт тұтынады.
Сондай-ақ, бұрынғы президент тамақ әзірлей алмауы себепті өз бетінше азық-түлік сатып алу мүмкіндігін пайдаланбайды деген ақпарат айтылған.
"Ол жұмыртқаны суға қайнатып пісіруді де білмейді!" — деп мәлімдеген басылымға Саркозиге жақын жандардың бірі.
Еске сала кетейік, 25 қыркүйекте Париж соты Францияның бұрынғы президенті Николя Саркозиді сайлау науқанын қаржыландырумен байланысты Ливия үкіметімен қылмыстық келісім жасады деген айып бойынша кінәлі деп тапты.
Мәтіннен қате тапсаңыз, бізге жазыңыз
