Қарасай ауданына қарасты Жібек жолы ауылындағы ұн өнімдерін өндіретін цех аумағында болған жарылыс кезінде зардап шеккен адамдар ауруханада көз жұмды, деп хабарлайды El.kz интернет порталы .
Оқиға 23 мамырда болған еді. Сол кезде бір адамның қаза тауып, төртеуі ауыр жараланғаны хабарланған. Олардың денесінің 80-90 пайызы күйіп, жансақтау бөліміне жеткізілген болатын.
28 мамырда зардап шеккендердің барлығы алған жарақаттарынан қайтыс болды.
23 мамырда болған қайғылы оқиға салдарынан әріптестеріміздің қаза тапқаны туралы ауыр күйзеліспен, қайғыра отырып хабарлаймыз, — делінген хабарламада.
