Сенат мәдениет пен білім саласындағы заң жобасын Мәжіліске қайтарды.
Бүгін Сенаттың пленарлық отырысында мәдениет, білім, отбасы және мемлекеттік бақылау салаларындағы заңнаманы жетілдіруге бағытталған заң жобасы қаралды.
Құжат Парламент депутаттарының бастамасымен әзірленген. Сенат оны жалпы қолдап, бірқатар баптарына түзетулер енгізді. Негізгі өзгерістердің бірі — 200 және одан көп адам қатысатын концерттерде фонограмманы пайдалануға тыйым салу. Фонограмманы тек телетүсірілім кезінде немесе концерт өткізуге арналмаған орындарда қолдануға рұқсат етіледі. Сондай-ақ көрерменге фонограмма қолданылатыны туралы хабарлау міндеттелді.
Бұдан бөлек, заң жобасында:
- балабақшаға арналған жерді жекеменшікке беруге тыйым салу,
- мемлекеттік гранттарды оқу орындарының рейтингіне қарай бөлу,
- мүмкіндігі шектеулі жандар мен халықаралық байқаулар жеңімпаздарына қатысты жаңа жеңілдіктер қарастырылған.
Енгізілген түзетулерден кейін құжат қайта қарау үшін Мәжіліске жіберілді.
Оқи отырыңыз: "Көрермендерге ескерту керек". Депутат фонограмманы қолдануға тыйым салуды ұсынды
