5 қарашада кешке қолайсыз ауа райы салдарынан Алматы мен Жамбыл облыстарында бірқатар жол жабылды. Бұл туралы "ҚазАвтоЖолға" сілтеме жасаған KAZ.NUR.KZ хабарлайды.
Компания өкілдерінің хабарлауынша, 5 қарашада сағат 20:00-де Алматы облысында ауа райының бұзылуына байланысты "Алматы — Шелек — Қорғас" автожолының 48-118 шақырым аралығындағы учаскесінде (Жаңашар ауылынан Лавар ауылына дейін) барлық көлік түрінің қозғалысына шектеу қойылды.
Жол 6 қараша күні сағат 08:30-да ашылады деп жоспарланып отыр.
Сондай-ақ бүгін 21:00-де қолайсыз ауа райына байланысты Жамбыл облысында да жол жабылды. "ҚазАвтоЖол" ақпаратына сәйкес, "Мәртөк — Ақтөбе — Қарабұтақ — Қызылорда — Шымкент — Тараз — Қордай — Алматы — Қорғас — ҚХР шекарасы" автожолының 159-238 шақырым аралығындағы учаскесінде (Қордай асуының жаңа айналма жолы) көлік қозғалысына уақытша тыйым салынған.
Жолды айналып өту ескі Қордай асуы арқылы жүзеге асырылады. Тасжолды 6 қарашада сағат 09:00-де ашу жоспарланған.
Мәтіннен қате тапсаңыз, бізге жазыңыз
