Қар жаууына байланысты Алматының коммуналдық қызметі күшейтілген режимге көшті . Бұл туралы қала әкімдігі мәлімдеді, — деп хабарлайды Massaget.kz тілшісі.
Қалада кейінгі тәулікте шамамен 20 миллиметр жауын-шашын жауған, бұл — қарашаға арналған айлық норманың жартысына тең.
"Көшелерді қардан тазарту жұмыстары 4 қарашада сағат 20:00-де басталды. Осы уақыт ішінде жолдар екі рет сыпырылып, көктайғаққа қарсы арнайы қоспалар себілді. Әсіресе, көпірлер мен жолайырықтар, жүргінші өткелдері жіті назарда", — деді әкімдік өкілдері.
Бұл жұмысқа 900-ден аса арнайы техника және 2500-ден аса жұмысшы, соның ішінде кезекші және патрульдік бригадалар тартылған.
Аптаның басты оқиғалары мен пайдалы видеоларды көру үшін YouTube арнамызға жазылыңыз
