Қызылорда облысы Алғабас ауылында жеңіл көлік көкпар кезінде жылқыларды қағып кетті, деп хабарлайды "Астана" арнасы.
Әлеуметтік желіде тараған бейнежазбадан көліктің бір топ шабандоздың арасына кіріп, жылқыларға соғылғанын аңғаруға болады. Жүргізуші құлап жатқан шабондозға да мән бермей, әрі қарай қозғалысын жалғастырған.
Полиция "Бұзақылық" дерегі бойынша іс қозғады. Көлік жүргізушісі анықталды. Көкпарды кент тұрғыны ұйымдастырған көрінеді. Алайда құзырлы орындарға шараның өтетіні туралы ешқандай хабарлама берілмеген.
"Сотқа дейінгі тергеп-тексеру аясында оқиғаға қатысқан барлық тұлғаның, соның ішінде іс-шараны ұйымдастырушылардың ісіне құқықтық баға берілетін болады. Естеріңізге саламыз, кез келген спорттық-бұқаралық немесе мәдени-бұқаралық шараларды өткізген кезде уәкілетті органдарды алдын ала хабардар ету қажет. Мұндай іс-шараларды ұйымдастыру тәртібін бұзғаны үшін әкімшілік жауапкершілік көзделген", — дейді Облыстық ПД бастығының орынбасары Ермахан Әбдраманов.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2305146-qyzylordada-kokpar-kezinde-kolik-zhurgizushisi-zhylqylardy-qagyp-ketti-video/
