Танымал журналист Қымбат Әбілдәқызы қоғамда қызу талқыланып жатқан тақырыпқа қатысты пікір білдірді, — деп хабарлайды Massaget.kz тілшісі.
Ол әлеуметтік желіде үндеу жасады.
"Мөлдірдің жалпы болмысының, тегінің адалдығы көрініп тұр емес пе? Сондай Мөлдір десе мөлдіреп тұрған, сүп-сүйкімді, аршылған жұмыртқадай қалпында, солқылдаған 20 жасында сүйіп қосылып, екеуі қол ұстасып жүріп, осындай үлкен абыройға жетті. Алла тағала ұл десе ұл, қыз десе қыз берді. Бақ берді, байлық берді — бәрін берді ғой. Мынадай жағдайда ажырасып жатқаны ақылға сыймайды", — деді журналист.
Қымбат Әбілдәқызы ешкімді кінәламайтынын айтып, ойлы сөздер айтты.
"Екеуін де ана туған. Қыздары бойжетіп, ұлдары мүшел жасқа келіп тұрған уақытта елдің ақыл-ойын, бағытын түзеуге үлес қосып жүрген өнердегі азамат Тұрсынбектің балаларымен хабарласпай, осындай күй кештіруі құдайсыздық шығар. Балалардың тағдырына неге жаның ашымады?! ...Мөлдірдің анасы 13 жасында келмес сапарға кетті. Бірақ мұғалім болған анасының сол тәрбиесі, отбасын сақтаудағы, ұяны бұзбаудағы, баланың алдындағы аналық жауапкершілікті бәрінен биік қоюдағы сол ананың үлгісі Мөлдірдің бойында тұр", — деді ол.
Посмотреть эту публикацию в Instagram
Публикация от Қымбат Әбілдәқызы | Мен қазақтың досымын… (@kymbat_abildakyzy)
Еске салайық, бұған дейін Мөлдір Мұқанова Тұрсынбек Қабатовпен ажырасқанын растады. Мөлдір Мұқанованың сұхбатынан кейін Тұрсынбек Қабатов та пікір білдіріп, балаларын блокқа қоймағанын айтты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
