Кенияның бастысында лай көшкінен опат болған саны 26-ға жетті. Тағы 25 тұрғын ізім-қайым жоқ.
Эльгейо-Мараквет округінде 1 мыңнан аса үй қирады. 30 адам жарақат алған. Құтқарушылар оларды тікұшақпен жергілікті ауруханаға жеткізді. Ем-домға кеткен шығынды үкімет төлейміз деп мәлімдеді. Билік іздеу-құтқару жұмыстарына қолдағы бар ресурстарын жұмылдырды. Әскерилер, тәртіп сақшылары, гуманитарлық ұйымдардың қызметкерлері және 4 ұшақ тартылды. Сондай-ақ жоғалған адамдар туралы өтініш қабылдайтын арнайы орталықтар құрылды. Алаңдатарлығы сол, Кенияның бүкіл аумағында нөсер жауын басылмай тұр. Мұның салдарынан біраз елді-мекенді су басып жатыр. Мыңдаған тұрғын дүние-мүлкінен айырылды.
