Солтүстік Қазақстан облысында «Халық заңгері» әлеуметтік акциясы өтті. Шараға прокуратура, экономикалық тергеу , мемлекеттік кірістер, әділет, қылмыстық-атқару жүйесі және полиция қызметкерлері мен заңгерлер қатысты. Тұрғындар оларға жеке мәселелерге қатысты сұрағын қойып, тиісті жауап алды.
Шағымданушылар негізінен тұрғын үй кезегі, жер және коммуналдық проблеманы көтерді. Ұйымдастырушылардың айтуынша, акция халық пен билік арасындағы қарым-қатынасты нығайтып, қоғамның құқықтық мәдениетін қалыптастыруға ықпал етеді.
Алмас Асайынов, облыстық прокуратураның аға прокуроры:
- Біз қазіргі уақытта арыз-шағым тапсырған барлық азаматтың шағымдарын қабылдап, оларды өзіміздің, яғни прокуратура немесе басқа мемлекеттік органдар өз құзыретінде олардың арыздарын тіркеп, заңда белгіленген мерзім ішінде шағымдарына жауап береміз.
