Бахрейннің Манама қаласында жасөспірімдер арасындағы Азия ойындары өтіп жатыр. Кезекті жарыс күні Қазақстан құрамасы ел қоржынына төрт алтын медаль түсірді, деп хабарлайды KAZ.NUR.KZ.
Джиу-джитсудан Қазақстан құрамасының өкілі Абдулла Батырбек Бахрейннің Манама қаласында өтіп жатқан жасөспірімдер арасындағы Азия ойындарында жеңімпаз атанды. Ол 62 келіге дейінгі салмақ дәрежесінде қарсылас шақ келтірмеді. Финалда Батырбек Салем Алькубаисиді (БАӘ) жеңді. Айта кетейік, джиу-джитсудан ұлттық құрама қоржынында осымен төрт медаль бар.
Қазақстандық ауыр атлет Нұржан Жұмабай 79 келіге дейінгі салмақ дәрежесінде жұлқа көтеруде алтын медаль жеңіп алды. Жұмабай ең сәтті мүмкіндігінде 146 келіні көтеріп, жасөспірімдер арасында Азия және Азия ойындарының рекордын жаңартты.
Дзюдошы Әділжан Нұрбекен 50 келіге дейінгі салмақта топ жарып, Азия ойындарында алтын медаль жеңіп алды. Әділжан Нұрбекен ақтық сында Юсуф Замоновпен (Тәжікстан) белдесті. Нәтижесінде қазақстандық балуан иппон әдісімен қарсыласынын басым түсті.
66 келіге дейінгі салмақ дәрежесінің финалында Бекәлі Еркен Ауғанстан спортшысы Башир Абдул Кадириді тізе бүктірді.
Мәтіннен қате тапсаңыз, бізге жазыңыз
