Жамбыл облысында марокко шегірткесіне қарсы химиялық өңдеу жұмыстары аяқталды, деп хабарлайды 24kz.
Ал Түркістанда тиісті шаралардың соңғы кезеңі іске асып жатыр. Бұл туралы Премьер-министрдің орынбасары – Ұлттық экономика министрі Серік Жұманғариннің төрағалығымен өткен шегірткеге қарсы күрес жөніндегі республикалық штабта айтылды. 12 өңірде үйірлі шегірткеге қарсы жұмыстар жүріп жатыр. Зиянкестердің орнын анықтау үшін 4 млн гектардан астам аумақ зерттелді. Улау шараларына 443 техника жұмылдырылды. Оның ішінде 49 дрон және 31 ұшақ бар.
Қызылорда облысында қатты желдің салдарынан химиялық өңдеуге әуе техникасының шамасы жетпей жатыр. Егінді қорғау үшін тиісті жұмыстар тәулік бойы жалғасуда.
