Экс-мұғалім тест кезінде алаяқтыққа барды.
Павлодар қаласында ҰБТ тапсыру кезінде көмектесемін деп уәде беріп, 1 млн теңге алған бұрынғы мұғалім ұсталды, деп хабарлайды Polisia.kz.
Полиция мәліметінше, зардап шеккен азамат ақшасын алаяққа беріп, кейін уәде орындалмаған соң құқық қорғау органдарына жүгінген.
"Павлодар қаласындағы мектептердің бірінде бұрын мұғалім болып жұмыс істеген әйел ұлттық бірыңғай тест тапсыруға көмек көрсетемін деп 1 млн теңге алған. Қазіргі уақытта сотқа дейінгі тергеу басталды. Қазір күдіктінің өңір аумағында осындай басқа да қылмыстарға қатысы бар-жоғы тексеріліп жатыр", – делінген хабарламада.
Оқи отырыңыз: Армениядағы жаппай тәртіпсіздіктерден кейін 33 адам ұсталды
Полиция азаматтарға осындай жағдайда бірден құқық қорғау органдарына хабарласуды ескертті.
Айта кетейік, биылғы жылдың басынан бері Павлодар облысында 1 872 киберқылмыс тіркелген.
