АҚШ мемлекеттік хатшысының орынбасары Кристофер Ландау Х желісінде жазба жариялап, Алматыға жасаған сапарынан алған әсерін бөлісті. Бұл туралы KAZ.NUR.KZ хабарлайды.
Кристофер Ландау қазақ халқының қонақжайлығын ерекше атап өтіп, Алматыда өзін үйіндегідей сезіне бастағанын жасырмады.
"Қазақстанның ең ірі қаласы әрі қаржы орталығы – Алматы Іле Алатауының баурайында орналасқан. Қаладан небәрі жарты сағаттық жерде әлемге әйгілі "Шымбұлақ" тау шаңғы курорты бар. Біз мұнда қазақ халқының ерекше қонақжайлылығын сезіндік. Алтын қыран мен жаңа қазақ достарымның арасында өзімді үйімдегідей сезіне бастадым", — деп әсерін бөлісті АҚШ мемлекеттік хатшысының орынбасары.
Айта кетейік, 26 қазанда ҚР СІМ АҚШ-тың Оңтүстік және Орталық Азия істері жөніндегі арнайы өкілі Серхио Гор мен АҚШ Мемлекеттік хатшысының орынбасары Кристофер Ландаудың Қазақстанға сапары жоспарланып отырғанын хабарлаған еді.
Мәтіннен қате тапсаңыз, бізге жазыңыз
