Бүгін Қатарда Халықаралық үстел теннисі федерациясының (ITTF) Бас ассамблеясында 2027, 2028 және 2029 жылдардағы әлем чемпионаттарын өткізетін елдер анықталды, деп хабарлайды Zakon.kz.
Бірінші кезеңнің қорытындысы бойынша АҚШ ең аз дауыс жинап, екінші кезеңге Қазақстан мен Франция өтті.
Қорытынды дауыс беру нәтижесі төмендегідей:
- Қазақстан — 54,68%;
- Франция — 45,32%.
Айта кетейік, еліміз алғаш рет үстел теннисінен әлемдік басты турнирді қабылдайды.
Алдағы әлем чемпионаттарын өткізетін елдер:
- 2027 — Қазақстан (Астана);
- 2028 — Жапония (Фукуока);
- 2029 — Бразилия (Рио-де-Жанейро).
Еске салайық, үстел теннисінен Қазақстан құрамасының өкілі Жәния Бекмұхамбетова Испанияның Пладжа-де-Аро қаласында өткен WTT Youth Contender турнирінде жеңіске жеткенін хабарлаған едік.
